ARGAZKI-LEHIAKETA

ARAUAK ETA BALDINTZAK

14 urtetik gorako edonork parte hartu dezake.
Parte-hartzaile bakoitzak nahi beste argazki igo ditzake Instagramera.
Lehiaketa uztailaren 22an hasiko da eta uztailaren 29a izango da argazkiak Instagramera igotzeko azken eguna. Epe horretatik kanpora jasotakoak ez dira kontuan hartuko.
Irabazlea Labayru Fundazioaren Botaba lantaldeak izendatuko du uztailaren 30ean.
Saria: Polaroid kamera bat.

Lehiaketaren oinarriak onartzea nahitaezkoa da parte hartzeko eta sariak irabazi ahal izateko. Partaideren batek oinarrietan ezarritako baldintzak beteko ez balitu, lehiaketatik kanpora geldituko da.
Iraingarria edo diskriminatzailea izan daitekeen argazkirik ez da onartuko.
Parte-hartzaileek egindako argazkietan jarrera edo adierazpen sexistarik agertuz gero, lehiaketatik kanpora utziko dira. Ez da onartuko inolako jarrera diskriminatzailerik, ezta bi sexuen tratamendu estereotipaturik ere.
Labayru Fundazioaren #botaba argazki-lehiaketan parte hartzeak beronen arau guztiak onartzea dakar. Labayru Fundazioak baimena edukiko du jasoko diren argazki guztiak Internetera igotzeko zein egoki ikusten dituen euskarrietan zabaltzeko.

Lehiaketara hirugarrenen jabetza intelektualaren edo industrialaren eskubideak urratzen dituen materialik ez dutela aurkeztuko bermatu behar dute partaideek. Horrenbestez, partaideek auzi horretatik kanpo utzi behar dute Labayru Fundazioa. Parte-hartzaileek hirugarrenen eskubideei buruzko arauak ez badituzte betetzen edo arau-hausteren bat egiten badute, Labayru Fundazioa ez da horren erantzule egingo. Lehiaketako partaideari dagokio Labayru Fundazioa ardura horretatik salbuestea.
Labayru Fundazioa ez da argazkien egiletzaren erantzule izango. Parte-hartzaileek bermatu behar dute lehiaketara aurkezten dituzten argazkiek parte hartzeko baldintzak betetzen dituztela.
Labayru Fundazioak ez ditu asmo komertzialekin erabiliko lehiaketara aurkeztuko diren argazkiak.
Argazkiak Labayru Fundazioaren jabetza izatera pasatuko dira. Parte-hartzaileen datuak Labayru Fundazioak gordeko ditu eta ez dira zabalduko.
Lehiaketaren lurralde-eremua eta forua: lehiaketan zehar eta oinarri hauek interpretatu eta aplikatzetik inolako auzirik izanez gero irabazleek eta parte-hartzaileek espresuki uko egingo diote horiei dagokien edozein forutara jotzeari eta Bilboko Auzitegi eta Epaitegietan hartzen diren erabakien mende geratuko dira.